नास्पातीमा तालिम (Training) तथा काँटछाँट (Pruning): सिद्धान्त र व्यवहार
नास्पातीमा तालिम (Training) तथा काँटछाँट (Pruning): सिद्धान्त र व्यवहार नास्पाती Pear समशीतोष्ण क्षेत्रको महत्वपूर्ण फलफूल बाली हो , जसको व्यावसायिक उत्पादनका लागि उचित बगैंचा व्यवस्थापन अत्यन्त आवश्यक मानिन्छ। नास्पातीको बिरुवामा तालिम ( training) तथा काँटछाँट ( pruning) उत्पादन वृद्धि , फलको गुणस्तर सुधार , बिरुवाको आकार व्यवस्थापन तथा रोग–कीरा नियन्त्रणका लागि महत्वपूर्ण कृयाकलाप हुन्। तालिम भन्नाले बिरुवालाई प्रारम्भिक अवस्थादेखि वैज्ञानिक ढङ्गले इच्छाइएको आकार तथा संरचनामा विकास गराउने प्रक्रिया हो जसको फलस्वरुप कृषिकर्महर गर्नका लागि सहज र गुणस्तरको फल उत्पादन गर्न सकियोस भन्ने हो । काँटछाँट भन्नाले अनावश्यक , रोगी , कमजोर वा बढी घना हाँगाहरू हटाई बिरुवाको वृद्धि र फल उत्पादन क्षमतालाई सन्तुलित बनाउने कार्य बुझिन्छ। यी दुवै अभ्यासले बिरुवामा पर्याप्त घाम , हावा तथा पोषणको सन्तुलित वितरण सुनिश्चित गरी दीर्घकालीन उत्पादन दिन मद्दत पुग्छ। नास्पातीमा तालिमको मुख्य उद्देश्य बलियो संरचना विकास गर्नु , बिरुवालाई उचित आकार दिनु तथा फलको भार सहन सक्ने बनाउनु हो। वैज्ञानिक तालिम प...